Doc Savage, Le Homine de Bronzo
Inter le grattacelos altissime de New York, Doc Savage ingagia un combatto usque le morte con le superviventes al digitos rubie de un civilisation ancian. Tunc, con su banda stupende, ille viagia al mysteriose "valle perdite" pro cercar un tresor fabulose e pro destruer le Morte Rubie enigmatic.
Capitulo 1
LE SINISTRE
Il esseva le morte in le obscuritate.
Illo vadeva furtivemente preter le traves de aciero. Longe in basso, il habeva un canyon de parietes de briccas e vitro--le stratas de New York. Al fundo, le obreros se hastava pro retornar al casa. Le majoritate portava parapluvias, e non reguardava alte.
Si illes reguardava, probabilemente illes non haberea vidite nihil. Le nocte esseva tanto nigre como un vespertillion de caverna. Le pluvia cadeva constantemente. Le celo humide esseva como un sudario pesante que se involveva circa le vertices del edifices alte.
Un construction altissime se construeva. Illo esseva completate usque le octogesimo etage. Qualche officios esseva occupate. . .
>>Componite per un human, non AI<<