Le Silva Tenebrose
Un de plus demandate questiones re la cerca de vita in le universo es: Se alienes existe, ubi es omnes?
Es ver que post plus de sexanta-cinque annos de cerca con le programma SETI (le cerca pro intelligentia extraterrestrial), nulle habeva essite trovate. Ma secundo le equation Drake, per exemplo, le universo deberea haber le vita intelligente quasi ubique. Cetere, le studias planetari ha jam trovate milles de planetas habitabile. Alora, le question resta: Ubi es ommes?
Liu Cixin, le autor cinese de science-fiction scribi in su trilogia Le Problema de Tres Corpores que le universo es multo periculose, como un silva tenebrose. E ibi, il pote haber animales salvage. Alora, se il ha alteres civilationes, on non pote saper se illos sia amical o non. Pro dubita, va melior a restar celate.
Secundo nostre experience human, quando un minus avanciate societa incontra un plus avantiate societa, le minus avantiate es conquerite o destruite. Esque iste regula se applica al racias aliene, o forsan multe avanciata creaturas es sage e bon ? Impossibile a saper, ma intertanto il esserea prudente a non publicar nostre existentia trans le universo.
Ma troppo tarde!! Nos jam signalate nostre presentia desde decennios, pro diffusions radio e television, qui fuga trans spatio, expandente in un grande circulo ab la Terra. Le plus distante es nunc circa cinquanta annoluminales ab nos.
Alora, que facer?
Nihil, excepte a sperar que le distantias interstellar es sia tanto grande que nemo nos discoperea.
Ma on non sape jammais. . .