Proque io non comprara plus libros
Primo io ha troppo libros, sufficiente pro le resto de mi vita. Io ama leger, alora post annos io ha plus de plus de libros. Le majoritate io ha comprate, ma alteres esseva presentes. Normalmente io non pote entrar un liberia sin comprar qualcosa. Io ama vagar inter le grande plancas de nove o libros vetule. Il es impossibile de non comprar. Si, illo es un maladia, ma il es assi. Io combatteva contra isto durante multe annos sin successo. Alora, illo es mi debilitate e io honora isto.
Il non es plus de spatio pro libros in mi casa. Nam io trova multo difficile dar, vender o jectar (Madonna!). Io jam desde longe annos cargante cata spatio in mi casa de libros. Nunc, il non existe spatio pro libros physic.
Ma il es libros electronic. Multo commode e sovente bon mercato, etiam gratuite. Dunque io comprava multe. . .que io non ha ancora legite toto post qualque annos. Un altere problema es le e-libros gratuite. Un problema, nonne? No. . .incubo! Io saltava sur le occasion obtener e-libros gratuite. Paradiso! Inferno! Infortunate, io ha centos kaj centos de e-libros. Il non es possibile de leger toto durante mi vita. Project Gutenberg, vos es le cupabile!
Un altere bon ration pro non comprar: io non ama comprar de un certe grande boteca sur Internet. Io odia billionaires rapace. . .e calvite. Ecce toto.
Cetere, il es belle bibliotecas apud mi casa. Post le libreria, il es le biblioteca que io ama multo. Forsan etiam plus que libreria. Le biblioteca es un spatio commun, que presta libros a omnes. Fantastic! Secundo me, le biblioteca es le intstituto le plus utile etiam create. Multe gratias, Senor Franklin!
Finalmente, io multo ama leger. Ma io nunc debe leger libros que io jam ha sin acquirer alteres. . .si possibile. Nemo es perfecta.
>>Componite per un human, non AI<<