Proque io apprende Interlingua?
Le linguas me place desde sempre. Le francese esseva mi prima lingua estranie. Io apprendeva alies, ma un die io ha discoperite esperanto de un article de jornal. Presto le lingua me gusta, e alora comenciava mi exploration del mundo de linguas construite. Non me place le termino lingua artificial. Vermente tote le linguas es artificial--proque facite per homines. Io prefere le terminos lingua construite o planate.
Alora, esperanto es pro me un lingua multe simple e mesmo belle. Io continuara lo parlar, ma Interlingua es anque multe interessante. Illo es anque belle, ma proque io jam parla francese e italiano, illo esseva multe facile per apprender.
Totevia, le prima ration que io apprende Interlingua es proque illo sembra como un lingua natural. De facto, mi amicos italiano ben comprende Interlingua sin studiar lo.
Secundo me, le mundo besonia un secunda lingua simple per omnes--si Interlingua o alie lingua construite. Infortunamente, isto devenira jammais un realitate. Ma isto vermente non importa a me, io affectiona Interlingua e usa lo per le placer.