Qual conlingua gaina: Esperanto o Interlingua?
Il sembla que desde longe, il es un guerra inter Esperanto e Interlingua. Ma proque? Cata lingua ha partisanos, certe. Ma il ha anque un parve gruppo un poco folle, nonne?
Le fanaticos de Esperanto crita "Finvenkon! Finvenkon!", secunde le evavgelio de Sancte Zamenhof (kiu ipse non esseva fanatico). A lor latere, alicun del gente Interlingua declara que lor lingua sia "natural" e que illo non esseva "inventite" (como Esperanto). . .ma "discoperite". Alicun monstra per digito Esperanto como specie de Frankenstein de linguas.
Secundo me, ambe campos ha bon rationes pro defender lor linguas, ma on face error de creder que un lingua descende ab Paradiso viste que altere ha reperite ex Inferno.
Certe, ambe linguas ha lor fortias. Interlingua me sembla esser jam conoscite como quasi un nove lingua latin. On pote vermente lo comprender a prime vista, al minus si on ha studiate un lingua latino. La lingua non habeva como scopo de esser le secunde lingua de toto. Le linguistas creator diceva que Interlingua es solmente un 'lingua medie europee' e plus apte pro communication inter scientistas.
Per contrasto, Esperanto es totalmente differente que altere linguas. Illo es un instrumento ingeniose pro communication inter le gentes de linguas differente. Illo es regular e pote esser apprendite facilemente, etiam si on non ha studiato altere linguas. De facto, il es melior de apprender Esperanto ante altere linguas. Ita apprender linguas national esserea plus facile post Esperanto, secundo studios scientfic.
On poterea multo plus re iste linguas. Ambes es interessante. Ambes es belle. Ambes es utile. Personalmente, io ha discoperite Esperanto ante Interlingua, ante multe annos. Esperanto deveniva 'mi lingua car', quasi un secunde lingua native pro me. Tamen Interlingua me place multo e io lo usa quotidianmente.
Al fin, qual gaina inter ambes? Il non es un question de gainar, ma solmente un election personal de qui se interesse in linguas artificiale pro communication international, pro exemplo.
Alora, qual lingua es le melior? Secundo me. . .ambes!
@ Componite per un humano, non AI. @