Le Discorso de Klaatu: Ultimato al Terra
Ecce le parolas final de Klaatu, un extraterrestre qui veniva pro portar un communicato multo grave al populo del Terra, ante retornar a su planeta. Ille parla a un gruppo international de scientificos ante partir ab le Terra:
Io partira tosto, e vos me pardonara si il ha un manco de cortese. Le universo deveni plus parve cata jorno. E le menacia de aggression per alicuno, ubique, non plus pote esser tolerate. Omnes debe haber le securitate o nemo essera secur. Isto non vole dicer de abandonar alicun libertate, salvo le libertate de ager in maniera irresponsabile.
Vos ancestres sapeva isto, alora illes ha create le leges e un policia pro governar se. Nos, del altere planetas, accepta iste principo desde multe tempore. Nos ha un organisation pro le protection mutual de tote planetas e pro le rejection total de aggression. Le prova de un tal autoritate alte es obviemente su policia.
Nostre policia es constituite de un racia de robotes que nos ha create. Lor function es de patruliar le planetas per astronaves como iste, e de mantener le pace. Pro le affaires de aggression, nos ha date a los un potentia absolute super nos. Iste potentia non pote esser revocate.
Al prima signo de violentia, illos age sin hesitation contra le aggressor. Le punition pro provocar lor action es troppo terribile pro riscar.
Le resultato es que nos vive in pace, sin armas ni armeas, assecurate per le conoscentia que nos es libere del aggression et le guerra--libere pro sequer activitates plus inricchite.
Nos non pretende de haber trovate le perfection, ma nos ha un systema que functiona. Io veniva hic pro dar a vos iste factos. Il non nos reguarda como vos dirige vostre prorpie planeta. Ma si vos menacia a extender vostre violentia, iste Terra essera reducite al cineres.
Vostre election es simple: uni vos a nos e viver in pace, o continuar secundo vostre maniera et riscar obliteration. Nos attendera vostre responsa. Le decision resta le vostre.
(del film The Day the Earth Stood Still - 1951)
Componite per un human, non AI